O Entroido Galego

O Entroido é unha das festas máis importantes do calendario galego.

Non se sabe con certeza a súa orixe, pero é a indicación da fin do inverno e o comezo da primavera.

Do termo "Introitum"(que significa "a entrada á Coresma") xurdiu a palabra "Entroido" ou "Antroido".

Os máis famosos son os celebrados en Ourense e Lugo, coma os de Laza, Verín e Xinzo.

* Entre os chamados "ritos de grupo" temos:

. Os Cigarróns: personaxes enmascarados e adornados (coma en Verín). As Pantallas amolan ós viandantes con dúas vexigas cheas de aire (moi común no Entroido de Xinzo da Limia).

Os Peliqueiros (coma en Laza): personaxes que se distinguen pola súa animalización: non falan, levan chocas coma os animais, zorregan á xente e levántanlle a saia ás mulleres, animais como pode ser unha vaca, o burro ou o galo, xa sexa reais ou simulados, simbolizan o Entroido en si e interveñen na festa, ben para ser burlados e escarmentados, ben para actuar activamente facendo falcatruadas.

Os Correos: van pola veciñanza ofrecendo que os Xenerais "canten" a cada unha das casas a cambio dunha doazón. Os Xenerais, vistosamente disfrazados con sombreiros, medallas e fitas que lembran de xeito choqueiro aos uniformes do século XIX.

Os discursos coma os testamentos, os arranques ou as coplas, que son sátiras da realidade e de feitos sucedidos durante o ano, incluíndo os referidos aos veciños e ás institucións públicas.

RECURSOS PARA TRABALLAR NAS NOSAS AULAS

https://dl.dropboxusercontent.com/u/13783708/librolim_entroido_tradicional/lim.swf?libro=o_entroido_tradicional_galego.lim