NACE "O PAPAGAIO", XORNAL PARA NENOS E NENAS DE PRIMARIA E SECUNDARIA

Nace un novo xornal en papel, dirixido especialmente a nenos e nenas de Primaria e Secundaria. Chámase O Papagaio, está impulsado por Edicións “Moito conto” e publícase integramente en galego.Inclúe temas de actualidade e empresta unha atención especial á ciencia, tecnoloxía, ecoloxía, historia, arte, cultura, integración e banda deseñada.
O mellor de todo é que está aberto á participación dos centros de ensino.
O primeiro número xa está dispoñible na rede e ofrécese a posibilidade de subscribirse de xeito anual.